SENTSAZIOAK

Gure proposamenean, garabia aldetik aldera inguratzen dugu tiranteen bitartez, horma eta garabiaren artean gertazen den espazioa txoritokia izanik.
Garabiaren forma nekez interpretatu izango da kanpo aldetik, eraikinaren kanpo eta barne setsazioen artean kontrastea sortzeko.
Behin barnean, kanpo pertzeziorik ez izateak pertsona bakoitzean duen eragina bilatzen da, aldakorra dena sartzen zaren bakoitzean, momentuko egoera eta faktoreen arabera.

Argiztapena-Aireztapena

Programa aldetik, gure eraikina bi zatitan banatua dago: bizitza pribatuen gunea eta behartsuentzat zerbitzu gunea.

Programa hau eraikinera txertatzeko modurik egokiena bi eremuak ezker-eskuin aldeetan banatzea dela pentsatu dugu, erdian gune zabal bat irekiaz, erabilera komunekoa.

Argiztapen naturala erdiguneko espazio honen laguntzarekin aberastu egingo da, honek duen altura hirukoitzari esker argia sabaitik sartuko baita behe solairuraino. Horretarako, hirugarren solairuan planteaturiko terraza zabalean beirazko zoru zapalgarri bat proposatzen dugu, gardena edo trasluzidoa izango dena. Era honetan, hasieran aipaturiko alboetan kokaturiko bi erabilera ezberdinek 3 argi sarrera ezberdin jasoko dituzte: albo eta aurreko fatxadetatik + erdiguneko espazio zabaletik.

Aireztapenari dagokionez, bestalde, kanpo  fatxaden bidez emango da soilik.

Era berean, erdiko espazio komun honen bitartez argiztapen bertikala lortzeaz gain, bi guneen banaketa azpimarratzea bilatzen dugu, eraikinaren funtzionamendu edo programaren irakurketa erraztuko duelarik. Horretarako materialtasun eta pribatutasun maila ezberdinak bilatuko ditugu kanpo ikuspegiaren aldetik.
 

02_ESKEMAREN GARAPENA

Eskemarekin jarraituz, gure proposamena ebaketa bidez adierazi dugu. Bertan bi gune bereizi ditugu: gune pribatu eta gune publikoago bat. Eraikinaren ezkerreko alde behartsuei eskeintzen zaien espazio partekatuak dira, ibilbide moduan planteaturikoak: aldagela eta dutxetatik logelara, eta logelatik jantoki sozial edo terrazara. Terraza estali daitekeen espazio bezala planteatu dugu, honen gainean eskegitoki eta garbiketa gela bat kokatuz. Eskubiko aldean, berriz, gorantz joan ahala pribatutasuna handitzen doan espazioak planteatu ditugu, hauek eraikinaren kudeatzaileentzat izango delarik. Bi logela mota egongo dira: bat eguneko espazioa (sukaldea eta egongela) partekatua izango duena eta bestea guztiz pribatua.

 Eraikin sozial honen behe solairua guztiz publikoa izango da, auzotarrei zuzendurikoa. Bertan guztiei eskeinitako gune bat egongo da, aisialdira zuzendua. Bestalde elkartrukerako gune bat egongo da, non bertara auzotarrek behar ez dituzten beren objektu eta materialak eramango dituzten eta beste batzuengatik aldatu, terrazako baratzan landaturiko produktuak esate baterako.

MATERIALTASUNA

Azken urteotan alde zaharretan egin diren obra edo interbentzioak azterturik, atentzioa deitu digu brontze eta urrezko aleazioz eginiko fatxada duten proiektuak asko direla. Orokorrean eranskinen alboko eraikinak presentzia handia edo historikoki garrantzia dute, hori dela eta tonalitate doratua erabiltzearen arrazoia horiengandik geometrikoki haustura planteatzeatzea izan daiteke, baina tonalitateari dagokionez neutro mantentzea. Era berean beirarekin jolasteko erreztasunak ematen ditu material honek, horrela beirate edo lehio handiak zabaltzeko aukera izanez.

02 HASTAPENAK

Gaur egun Frantzian eta orokorrean Europa osoan ematen ari den hiri-zentrua elitista bilakatzearen fenomenoari, eta horretarako egiten diren politikei kontra egingo dion programa bat proposatzen dugu. Marseilako Le Panier auzoko plaza batean garatuko dugu proiektua. Auzo hau gutxinaka eraldatzen doa, bertara artista ugari hurbiltzen ari direlarik. Honekin batera, turismoari begira  ari dira hiria garatzen ( Le Panier auzoa barne) 2013ko Kulturaren Kapitalitate Europearra dela eta. Ekonomikoki aberatsa den auzo  turistiko bat soilik bilakatzeko eta bertako bizikidetza eta auzo-bizitza alde batera uzteko arriskua dagoela ikusita,  guk honako hau proposatzen dugu:

Inguruko langabetu eta behartsuei laguntza aukera moduan proposaturiko eraikina da. Langabezian daudenei etxebizitza pribatua uzten zaie etxegabeei lagunduko dien eraikina kudeatzearen truke eta, era berean, behartsuenei higienerako eta gaua pasatzeko estalpea eskainiz. Gainera auzo osoari elkargune publiko bat eskainiko zaio bertan ekintza ezberdinak antolatzeko aukera emanez.

Era honetan, gune publiko, pribatu eta partekatuak sortuko dira inguruko maila ezberdineko beharrei irtenbideak eskaintzeko.

TXORITOKIA

 

HASIERAKO IDEIA.
Garabia txoritokiaren egitura nagusia izateaz gain, maila desberdinetan dauden guneen arteko lotura izatea erabaki dugu.

Horretarako, espazio publiko bati jarraiki dagoen berdegunean kokatu dugu garabia, behekaldean bermaturik eta txoriz inguraturiko barne ibilbideak harresiko plataformarekin bat eginez.

A1 LAMINAREN ENTREGA

Father and daughter

Ikusi dugunez, film labur honek bere aitarekiko miresmen handia duen neska baten istorio tragikoa eta tristea kontatzen digu. Ume zen garaian, bere aita txapula batean urruntzen ikusi zuen laku ertzean, segituan itzuliko zelakoan. Baina denbora aurrera joan ahala, ez zen itzultzen. Orduak, egunak, urteak pasa zituen hau itzuliko zelakoan. Ez zuen itxaropena galtzen eta bertara jotzen zuen aita berriro ikusiko zuelakoan.
Era honetan, ezer berezirik ez duen lekuak garrantzi izugarria hartzen du pertsonaiarentzat. Bertan egoteak sentsazio, sentipen eta oroitzapenak sortzen dizkio.

Hori bera oso ohikoa da gizabanako bakoitzaren esperientzian, esanahi bereziak hartzen dituzten lekuak baititugu bakoitzak: oroipen alaiek sortutako konnotazio positibotik, gertaera tragiko edo tristeen negatiboraino; gune batek sorrarazten digun lasaitasun edo bake sentsaziotik, paniko edo ezegontasuna sorrarazten digutenetaraino. Beraz, esanguratsua ez den ezer izan harren, berezia iruditzen zaigu toki hori.

Era berean, esperientzia pertsonalak sorturiko sentipenez gain, badira orokorrean sentsazio zehatz bat sortuarazten duten lekuak. Sentsazio hauek lekua diseinatutako pertsonak bilatzen du inposatzean. Horren saiakera da beraz, objetiboagoa da, esperientziak sortutakoaren subjetibotasunaren aurrean.

Azken sentsazio hauek dira arkitektu batek bere proiektuetan bilatu beharrekoak, kontrola ditzakeen bakarrak direlako. Gizabanako bakoitzari sortuko dion sentipen pertsonala kontrolaezina delarik, bizitzak emango baitio horri esanahia.

04

03

 

3 IRUDI, 3 ESALDI

Gure proiektua 3 irudi/esalditara laburtua:

1 - MUGIKORRA izango da, beharra sortzen den lekuan jarriko delarik

2 - Erraz muntatu eta desmuntatuko diren MODULUZ osatua

3 - Ekintzaren araberako forma hartuko du eraikinak, hortaz, MALGUA eta ERABILERA ANITZEKOA   da.

02

01

Marseila, hiri multikulturala

Marseila hiraren kultura aniztasuna dela eta, egokia iruditu zaigu gure proiektua bide honetara zuzentzea. Kultura ezberdinen arteko elkarbizitza eta elkar-ulermena bultzatzeko ekintza ezberdinak aurrera eramateko erabilera anitzeko espazio bat proposatzen dugu: tailerrak, erakusketak, hitzaldiak, eztabaidak…

Proiektu hau Marseilako puntu ezberdinetara mugitu ahal izango da, leku horietan proposatutako ekintzen edo beharren arabera. Era horretan, leku bakotzeko behar ezberdinei erantzun bat emateko pentsatua dago.

Gure proiektua paisai eta geografia ezberdinetako lurraldetara integratu ahalko da. Marseilan uraren presentzia nabaria denez, bertatik mugitu ahal izango da, baita probintzian zehar ere duen izaera mugikorrari esker. 

Irakurri dugun artikulu hau atxikitzen dugu, gure proiektuaren ideiarekin bat datorrelako eta interesgarria iruditu zaigulako.

Donostia-San Sebastián 2016-ko kultura hiriburuaren inguruko proiektuaren aldizkarian aurkituriko artikulua.